دهب من أهم المناطق فى مصر اللى ممكن تعمل فيها غطس وسنوركلينج ورغم انها مدينة بتصلح لكل المستويات من مستوى الكامب إلى الفنادق ال 5 نجوم
إلا أن اللى هيستمتع فيها اللى بيعرفوا يغطسوا - اما اللى بيعرف يعوم بس زى حالتى كدا ملوش مكان غير عند اللاجونا
شاطئ رملى ممكن تعوم فيه واحنا هنوصف دهب فى 3 أماكن اللى كل الناس بتروحهم وبتستمتع بيهم - طريق دهب من القاهرة - نفق الشهيد احمد حمدى - طريق شرم الشيخ الجديد
وعلشان لسه مفتحش رسمى إلى الآن أغسطس 2020 بندخل للطريق من رأس سدر بعد كمين عيون موسى ب 50 كيلو تقريبا وبعد مدينة رأس سدر هندخل شمال من طريق شرم الجديد والطريق زى الفل
بس فى بعض الاصلاحات الخفيفة وياما هتدخل شرم وترجع لدهب او تدخل طريق سانت كاترين وده طريق عباره عن لعبة العربيات والمنحنيات اللى بتبقى على الفون ودوائر كاملة وسرعتك مش هتزيد عن 60- 80
من خطورة الملفات إلا أن لون الجبال لوحة فنية رائعة لازم تستمتع بيها سبحان الله والطريق كله حوالى 590 كيلو تقريبا -
من القاهرة للنفق 120 كيلو
من النفق الى رأس سدر 80 كيلو - من رأس سدر إلى دهب 390 كيلو - نوصل بقى دهب فى الممشى معظم او كل الممشى أما الموتيلات أو كامبات عبارة عن 10 غرف او 20 غرفة اقل أو ازيد
فيها مكيف وفيها غرف بمراوح علشان كدا قولت فى الاول انها لكل المستويات - الممشى فيه محلات اكل كثير ومتنوعة ومحلات ملابس ومراكز غطس وشركات للسفارى وبعد كدا فيه كوبرى خشب
فوق مخر السيل يفصل بين المحلات وتبدء الكافيهات وكلها على البحر ممكن تدخل تشرب مشروب فيها وتقعد على البحر او تنزل منها للبحر مباشرة وبين كل كافيه والثانى سلم صغير ينزلك البحر بدون ماتدخل الكافيه
شاطئ عام وتفضل ماشى كدا لغاية ماتخلص الكافيهات وتبدء الشاليهات تبقى على البحر لأن الشاطئ لافف - وأشهر الشاليهات دى بيت تريز وبيت الحاجة
عبارة عن شاليهات متقسمة من جوه غرفه بحمام مطلة على البحر اما شهرة بيت تريز ان فيها غرفة نوم معمولة بالزجاج على البحر ومتفيمة يعنى اللى جوا الغرفة شايف البحر واللى برا مش شايفه وعيش يامعلم
- بالنسبة للكامبات الاقتصادى قبلنا كامب البشبيشى كامب بيئى فى وسط القعدات العربى والنخل وجو القرية وكله 47 فرد - وكان فى موتيل لذيذ فيه حمام سباحة اسمه دهب هوليداى غرفة محترمة ومكيفة كله 19 غرفة -
وشوفنا كمان كامب جيمى - و كامب موقعه جامد على الكافيهات والبحر اسمه طرخان الميزة انك معاك مبلغ كبير هتتبسط ولو معاك مبلغ قليل هتتبسط
تعالوا بقى نروح أقصى الجنوب لغاية ما البحر يقفل مع الجبل ومفيش حد يعرف يمشى غير ممر صغير ممكن تمشى برجلك او بعجلة رياضية - هندخل بالعربية لغاية الكيفز
وهى عبارة عن منطقة كهوف تحت الماء الناس بتغطس فيها وهى على شكل ب
كهفين تحت الميه بس فيها سمك سام زى ليون فيش وفيها سمك مش بيحب غير الظلام زى بيفر فيش - جلوبر فيش
وفى هناك كافتريا تشرب فيها الشاى اجبارى لك مشروب اعتبره رسوم دخول وبعدين نرجع شويه نلاقى الثرى بولز وهى عبارة عن 3 حمامات سباحة طبيعية فى وسط البحر بس لازم تكون بتعرف تعوم كويس جدا
علشان تعرف توصلهم وتكون لابس جزمة بجر عشان متتعورش من الشعب وال 3 بولز متوصلين لبعضهم والكافتريا اللى هناك تطلب مشروب هتحاسب عليه هو مش بيفرض عليك حاجه
وبعيدن منطقة أم السيد للدايفينج فقط للمحترفين وشهرتها ان الشعب فيها على بعد 33 متر بخلاف أماكن تانيه نفس الشعب على بعد 110 متر
نرجع كمان شويه نلاقى الموريه جاردنز منطقة ثعبان الموريه وهو ثعبان غير سام وغير مؤذى بيتعمل فيها غطس
وسنوركلينج
ويعتبر اول حاجه فى المنطقة دى وانت داخل منطقة جولدن بلوكس ودى منطقة غطس محترفين فقط واتسمت كدا لان الشعب شكلها ذهبى
اما بالنسبة للسفارى بيطلع من منطقى ثرى بولز للجبل اللى فوقينا واسمه جبل وادى جنى
ونوصل لاول فندق يعتبر الاقرب للجنوب هابى لايف شاطئ مرجانى وبعديه ايكوتيل دهب شاطئ ضخرى ومعاه شاتيل باص للممشى وبعده الميرديان شاطئ رملى وده الاقرب للاجونا
اللاجونا عبارة عن ممشى فى وسط البحر على جانبيه شاطئ رملى عام ممكن اى حد يدخل بعربيته اللاجونا ينزل يعوم ويحضر فيها الغروب او الشروق وفى ناس ممكن تشوى فيها او تعمل قعدة شاى
اجمل حاجه فيها انها عامه وبدون اى ازعاج ونسيب اللاجونا ونروح اقصى الشمال عند البلوهول وتم تسميته بهذا الاسم لان عمقه من على الشاطئ 110 متر ويسمى أيضا مقبرة الغطاسين لان فيه اكتر من 30 غطاس محترفين اختفوا فيه ويقال عليه هو المكان اللى بيشد له الرحال من كل بقاع الارض بالنسبة للغطاسين من جمال المكان تحت المياه
وقبله بشويه منطقة الكانيون عبارة عن شق بين جبلين تحت المياه تبدا من 22 متر حتى 52 متر وده للغطس فقط
واحنا راجعين للمشى بنلاقى فندق تروبيتل دهب يبعد عن الممشى 10 كيلو وبعدين فندق اميجو 3 نجوم ومعظم غرفه مطله على البحر او البول وبعديه بنلاقى فندق دانيلا دهب واكيد فى فنادق تانيه انا مدخلتهاش وابقى كدا غطيت دهب شويه وهنقول مزارات دهب بخلاف اماكن الغطس والسنوركلينج
- رحلة باليخت شامل الغذاء من اللاجونا الى قبر البنت من 8 صباحا الى 4 عصرا
- رحلة بحرية شامله الغذاء من البلو هول الى ابو جالوم الى بلو لاجون
- سهرة جبل الطويلات مع عشاء او شاى فى حضن الجبل
- رحلة شروق او غروب فى جبل وادى جنى بالبيتش بجى
ان شاء الله نكون قدرنا نقول حاجه عن دهب
