مصر فعلا جميله انت بس محتاج تسافر معانا علشان تعرف ده
المكان : وادي الوشواش منطقه جنوب سيناء
" تحفه ربانيه استحاله تروح و ترجع مش مبسوط و بجد ده مكان الاحلام "
الوادي ده اتكون بسبب الامطار لحد موصل لعمق 6 متر
حواليك جبال الفيروز و الجرانيت من كل ناحيه
علشان تروح هناك من راس شيطان بتركب عربيه 4x4 لمدة 20 دقيقة على الصخور بين الجبال وبعدها تتسلق شويه صخور
وتستخدم سلم للوادي و هتمشي حوالي 40 دقيقة هتلاقي نفسك وصلت لمكان احلامك فعلا ❤
اكتر تجربة ممتعة مع الطبيعة وانت حاسس بالأدرينالين والمغامرة وكل ده تحت اشراف بدو سينا
طبيعة وادي الوشواش
يتكون وادي الوشواش من ثلاثة عيون مياه عذبة، ويستغرق الوصول للعين الأولى حوالي ساعة ونصف من التسلق، وستصل للعين الثانية والثالثة مرورا بالعين الأولى من خلال السباحة.
يصل عمق المياه لحوالي ثمانية أمتار، وتتميز بشدة نقائها وعذوبتها وشفافيتها،تسمى العين الأخيرة ب«البحيرة الخضراء»، وذلك نسبة إلى اللون الأخضر الذي اكتسبته من أحجار الجرانيت المحيطة بالبحيرة.
ويكتسب الوادي أهمية خاصة في السياحة العلاجية، حيث يقوم البدو بمعالجة المرضى بالنباتات البيئية الموجودة في الوادي، كما يتعالج الزوار أثناء مسيرهم إلى الوادي بتلك النباتات في حالة إصابتهم بضربات الشمس أو آلام الظهر أو غيرها من الأمراض الأخرى البسيطة.
وتعتبر زيارتك للوادي غير محسوبة إذا لم تؤدِ ثلاث فعاليات، الأولى هي القفز من فوق الجبل في البحيرة، والثانية هي شرب الشاي المختلط بأعشاب« الزجوح»، التي تطهر الكبد من السموم، أما الثالثة فهي التخييم فوق الجبل والاستمتاع بالشاي البدوي.
استنونا كل يوم بمعلومه جديده و مكان جديد <3
